الأربعاء، 9 يوليو، 2014

إسلام نصرانية في الفيس بوك بعد حوارات عديدة مع الدعاة


جزء من حوار في الرسائل بيني وبين الأخت التي هداها الله عز وجل للإسلام بفضله وكرمه سبحانه، أنشره لعلكم تجدون فيه فائدة، أو ينتفع به أحد.

الأخت أسلمت بعد حوارات عديدة مع كثير من الإخوة ومعي، وهذا هو جزء صغير مما جرى، وهذا الجزء هو من آخر الحوارات، وكانت فيه قريبة جداً من الإسلام، ونشرت هذا الجزء لأن فيه ذكر لكذا نقطة من القرآن، فأحببت أن أشارككم هذه النقاط.
__________________

07/07/2014 05:52 مساءً
النصــرانية
أنا حاليا بقرأ فى الكتاب المقدس و ماشية فى سفر الخروج و لو قابلتنى أسئلة هرجع لحضرتك شكرا

07/07/2014 05:53 مساءً
أحمد سبيع
كويس، طيب بتقرأي قرآن برضو؟

07/07/2014 05:53 مساءً
النصــرانية

07/07/2014 05:53 مساءً
أحمد سبيع
المقصود
تقارني بين الاتنين في نفس الوقت

07/07/2014 05:53 مساءً
النصــرانية
لا بس حضرتك ممكن أبدأ أقرأ كويس إنك نبهتنى للموضوع ده

07/07/2014 05:54 مساءً
أحمد سبيع
بين الأسلوب والأهداف

07/07/2014 05:54 مساءً
النصــرانية
ما هو فيه حاجات فى ذهنى عموما من القرآن بسبب البحث و كمان بيشغلوه كتير فى الشوارع و انا مش بقرأ بانتظام فيه يعنى و لكن بعض السور كنت بقرأها .

07/07/2014 05:54 مساءً
أحمد سبيع
هتلاحظي القرآن بيركز جداً على الجانب الديني جداً
وهتلاحظي إن الكتاب المقدس بيركز على الجانب التاريخي
وبيحكي تفاصيل التفاصيل

07/07/2014 05:54 مساءً
النصــرانية
يعنى مثلا عرفت و أنا بقرأ فى سفر الخروج ليه القرآن قال اسم اللى صنع العجل و عرفت إن الموضوع ده مش عشوائى كده ده لحكمة .

07/07/2014 05:55 مساءً
أحمد سبيع
جميل

07/07/2014 05:55 مساءً
النصــرانية
لأن العهد القديم بيقول إن اللى صنع العجل هارون فالقرآن لما اعلن عن اسم اللى صنع العجل برأ بكده هارون

07/07/2014 05:55 مساءً
أحمد سبيع
ممتاز والله

07/07/2014 05:55 مساءً
النصــرانية
و ده معناه إن كل حاجة فى القرآن فعلا مقصودة و ليه حكمة .

07/07/2014 05:55 مساءً
أحمد سبيع
فعلاً
القرآن لما بيذكر تفاصيل بيكون لها هدف كبير

07/07/2014 05:56 مساءً
النصــرانية
فعلا و ده اللى شوفته و انا بقرأ فى العهد القديم ليه القرآن فيه تفاصيل معينة اهتم بيها .
عموما انا هعمل بنصيحتك و أقرأ فى القرآن برضو مع الكتاب المقدس .
و شكرا لحضرتك معلش أخدت من وقتك

07/07/2014 05:56 مساءً
أحمد سبيع
في سفر التكوين لاحظتي إن الكتاب بيقول على فرعون يوسف، فرعون.
لكن القرآن بيقول عنه ملك.
في حين إن القرآن استخدم لقب فرعون عن الملك اللي كان وقت موسى
ليه مقالش عن الحاكم وقت يوسف فرعون، وقال ملك

07/07/2014 05:57 مساءً
النصــرانية
بس فى سفر الخروج كان بيقول على فرعون موسى برضو ملك
و مرة يقول عليه فرعون

07/07/2014 05:57 مساءً
أحمد سبيع
دي نقطة مهمة وتصب في نفس الموضوع إن القرآن دقيق حتى في استخدام الكلمات

07/07/2014 05:57 مساءً
النصــرانية
فأعتقد العهد القديم مش بيفرق بين الملك و بين كلمة فرعون .

07/07/2014 05:58 مساءً
أحمد سبيع
بالظبط ودي عدم دقة

07/07/2014 05:58 مساءً
النصــرانية
أها امممم

07/07/2014 05:58 مساءً
أحمد سبيع
هوضحلك

07/07/2014 05:58 مساءً
النصــرانية
لفتة جميلة

07/07/2014 05:58 مساءً
أحمد سبيع
الفرعون ده لقب مصري للملك

07/07/2014 05:58 مساءً
النصــرانية
طيب ليه إيه الفرق بين ملك و فرعون ؟

07/07/2014 05:59 مساءً
أحمد سبيع
لو واحد دخل احتل مصر مينفعش نسميه فرعون
هيبقى اسمه ملك، مجرد ملك لكن مش فرعون
صح؟

07/07/2014 05:59 مساءً
النصــرانية
أها طيب حضرتك إزاى أتاكد من المعلومة دى و من صحتها ؟

07/07/2014 06:00 مساءً
أحمد سبيع
ابحثي في كتب التاريخ عن مصر في زمن يوسف عليه السلام
هتلاقي إن مصر كانت محتلة من الهكسوس وقتها
عشان كده القرآن مقالش عليه فرعون، لأنه مش مصري
قال عليه ملك
دي الدقة اللي مبتكونش صدفة

07/07/2014 06:01 مساءً
النصــرانية
طيب إزاى أعرف عن لقب فرعون ده كان خاص بملك مصر بس و إن مافيش دولة تانية كانت بتستخدم نفس اللقب ؟

07/07/2014 06:02 مساءً
أحمد سبيع
ابحثي في كتب تواريخ الأمم القديمة، هتلاقي إن لقب فرعون ده خاص بالمصريين، عشان كده لحد دلوقتي المصريين بيتقال عنهم فراعنة، مش أي حد تاني
متوارث يعني

07/07/2014 06:02 مساءً
النصــرانية
فعلا صح
تمام متشكرة جدا أستاذ أحمد على المعلومة دى
أنت كده شوقتنى أقرأ القرآن كامل فعلا .

07/07/2014 06:03 مساءً
أحمد سبيع
طيب كمان حاجة

07/07/2014 06:03 مساءً
النصــرانية
طيب يعنى لو حبيت أعرف الادلة على صحة القرآن أقرأ فين و لا تدلنى لإيه علشنا وقتك ؟
اتفضل طبعا

07/07/2014 06:03 مساءً
أحمد سبيع
اقرأي القرآن نفسه، أغلب اللي بيسلموا بيسلموا بسبب القرآن نفسه، لأن لو القرآن هو كلام الله هيكون فيه الهداية من داخله مش من خارج حاجة تانية
ودي عظمة القرآن

07/07/2014 06:04 مساءً
النصــرانية
تمام فعلا كلامك صح

07/07/2014 06:04 مساءً
أحمد سبيع
النقطة بقى
تعرفي اسم إسحاق معناه ايه؟

07/07/2014 06:04 مساءً
النصــرانية
كنت عارفة بس مش فاكرة دلوقتى

07/07/2014 06:05 مساءً
أحمد سبيع
(هود)(o 71 o)(وَامْرَأَتُهُ قَائِمَةٌ فَضَحِكَتْ فَبَشَّرْنَاهَا بِإِسْحَاقَ وَمِنْ وَرَاءِ إِسْحَاقَ يَعْقُوبَ)
ليه القرآن قال عن امرأة إبراهيم ضحكت، ايه الهدف من الكلمة دي
هل هو عشوائي في رأيك؟

07/07/2014 06:06 مساءً
النصــرانية
أكيد لا ما دام القرآن كان دقيق فى الحاجات اللى قلناها يبقى أكيد كل حاجة قالها ليه مقصود و هدف .
بس انا مش عارفة ليه ؟ يعنى ضحكت من الفرحة فربنا فرحها أكتر ؟

07/07/2014 06:07 مساءً
أحمد سبيع
إسحاق معناه يضحك عشان كده القرآن ذكر التفصيلة دي
أي حد لما يقرأ هيقول ايه الهدف من ضحكت
لكن القرآن له هدف من كل كلمة
إشارة بسيطة لمعنى الاسم في العبري

07/07/2014 06:07 مساءً
النصــرانية
أها يعنى تقصد المناسبة

07/07/2014 06:08 مساءً
أحمد سبيع
ايوة

07/07/2014 06:08 مساءً
النصــرانية
اه فعلا فهمت دلوقتى صح

07/07/2014 06:08 مساءً
أحمد سبيع
شوفي بقى الكتاب المقدس بيعمل ايه
بيحشرلك المعلومات
يعني
هتلاقيه بيقول

07/07/2014 06:08 مساءً
النصــرانية
ده جميل فيها إثارة للذهن زى ما كنا بندرس فى ثانوى

07/07/2014 06:09 مساءً
أحمد سبيع
فدعت اسم ابنها كذا لأنها قالت كذا كذا كذا
لكن القرآن بيعطيكي إشارة لمعنى الاسم من غير ما يكتر في الكلام، ومن غير ما يحسسك
فتحسي الكلام كله متناغم مع بعض كأنه نسيج واحد
ولما تبحثي عن معنى التفاصيل هتتضحلك معاني أكتر، دي عظمة القرآن، إنه مبيخلصش
كل لما تبحثي أكتر بتلاقي أكتر

07/07/2014 06:10 مساءً
النصــرانية
امم جميل
إقرأ المزيد Résumé bloggeradsenseo

الأحد، 6 يوليو، 2014

الحرب في الإسلام والعهد القديم

الحرب في الإسلام والعهد القديم

الهدف من الحرب في الإسلام هو جعل الأرض كلها لله، وليس لإكراه الناس على اعتناق الدين، فالقاعدة القرآنية تقول: لَا إِكْرَاهَ فِي الدِّينِ قَدْ تَبَيَّنَ الرُّشْدُ مِنَ الْغَيِّ.

ولهذا فإن النبي صلى الله عليه وسلم أرسل الرسل بالرسائل للملوك قبل أن يرسل الجيوش بالسيوف.

يدعوهم إلى أن يخلّوا بين الناس وبين الدين!
يدعوهم إلى أن يفتحوا أرضهم للدعاة!

منهم من رضي وأذعن، ومنهم من أبى واستكبر، أبى أن يترك الناس يعرفوا الإسلام، أبي أن يخلي بين قومه وبين ما يريدون!

فتجد مناطق كثيرة دخلها الإسلام بالدعوة، بلا جيوش أو حروب!
ومناطق أخرى دخلها الإسلام عنوة وترك للناس الحرية في اختياره أو رفضه، ومن رفضه يدفع مبلغاً ضئيلاً جداً من المال كل حسب قدرته واستطاعته!

هذه هي ما يسمونها الحرب الدينية، أما الحروب في الكتاب المقدس فهي بأمر الرب والهدف منها احتلال الأرض وفرض بني إسرائيل سيطرتهم عليها، وحدثت فيها مجازر لا يتخيلها عقل؛ كقتل الأطفال والرضع والنساء والحيوانات!

أيهما أطهر وأشرف؟!
إقرأ المزيد Résumé bloggeradsenseo